მწვრთნელის ეთიკა სპორტულ და პედაგოგიურ წრეებში სულ უფრო და უფრო მყარად იკიდებს ფეხს მოსაზრება, რომ ის სიამოვნება, რომელსაც ბავშვები განიცდიან სპორტის ამა თუ იმ სახეობაში ჩართულობისაგან, მოითხოვს ძალზე აქტიურ მონაწილეობას მათი მხრიდან. ძალზე მნიშვნელოვანია, რომ რაგბის მწვრთნელმა გამოიყენოს ჩართულობის ეს სურვილი. სწორედ მწვრთნელი ქმნის იმ კონტროლირებად გარემოს, რომელშიაც შეიძლება ადგილი ჰქონდეს მოთამაშეთა აქტივობას ფიზიკური, ემოციური თუ მენტალური თვალსაზრისით. მწვრთნელის ეთიკური კოდექსი ძალზე ნათლად უნდა იყოს ჩამოყალიბებული. განწყობილებებისა და გამოყენებული მეთოდების ეს ჩამონათვალი საშუალებას აძლევს მწვრთნელს შეაფასოს საკუთარი წვლილი ცალკეული მოთამაშეებისა თუ მთელი გუნდის ფორმირებაში.